- (لما تنساني الشموس
- جوه سرداب الضياع
- بلتقيكى بالفانوس
- زى واحه م الشعاع)
- بلتقيكى نور حقيقى
- وسط كم م الخداع
- .........................
- بلتقيكى واقفه ليا من بعيد وبتندهينى
- خايفه ليل الخوف يعود ينده عليا تضيع سنينى
- بلتقيكى شراع ومركب جوه ليلى بتنقذينى
- بلتقيكى حروف بتكتب بالامل فوق جبينى
- .........................
- بلقى صورتك جوه عيني
- بلقى حلمك فيه سنينى
- بلقى قلبك هوه قلبى
- ونبضه مقسوم لك وبينى
- ومهما فيكي كتير لعنت
- بيكون من كتر حبي فيكي
- اصل مين ح يخاف عليكي
- اكتر م ال روحه ف اديكي
- .........................
- كلمات / سامى محمود حنفى
الخميس، 25 أغسطس 2016
لما تنساني الشموس . بقلم المبدع // سامي محمود حنفي
الاشتراك في:
تعليقات الرسالة (Atom)
ليست هناك تعليقات:
إرسال تعليق