يامصر ياصابرة . بقلم المبدع // جبريل رضوان

• يامصر ياصابرة

• اااااااااااااا

• ياصابرة وشايلة

• الحمول على كتافك

• اازاي اعريكي بدال

• ماكون غطاكي ولحافك

• وازاي اسيبك ف وسط

• الموج وانا شراعك ومجدافك

• وليه اسيب ارضك تبور

• وانا اصلي فلاحك

• وليه اكون سد ف طريقك

• بدال ماسعي لاصلاحك

• وليه اكون شوكة ف ضهرك

• والكل بيهابك وبيخافك

• وليه ماقفش وسط الريح

• واصد انا رياحك

• وليه اكون السبب اكون السبب

• ف الامك وف جراحك

• مهما تكون الريح حنعيشك

• بافراحك واتراحك

• ااااااااااااااا

• ازاي انا اكسرك ودمك

• ف شرايني

• وازاي انا العنك واسمك

• على جبيني

• وازاي اعكر ميتك

• ونيلك بيرويني

• وازاي اكون كارهك

• وحبك بيحيني

• لو غبت يوم عنك طيفك

• يابلدي بيجيني

• على شط نيلك انا غنيت

• احلى مواويل

• انا من بكاي عليكي خلصت

• كل مناديللي

• اااااااااااااا

• ياصابرة من بدري

• ياكاملة الاوصاف

• انا حاعيش تحت رجليكي

• ولو اكلت عيش حاف

• مستني منك يابلدي الأمل

• والعدل والانصاف

• طول مانتي ماشية ف مشوارك

• والكل حس وشاف

• حنفضل معاكي ف المك وحزنك

• ونشيلك علي الأكتاف

• ااااااااااااااا

• ياه يامصر أد ايه انتي

• صابرة علينا بجد

• صابرة وصبرك على ولادك

• ده فاق الحد

• واللي بتعمل فيكي لو

• كان ف جبل يتهد

• يامصر ليه يخربوكي واحنا

• حاطين الأدين ع الخد

• يامصر ايه جرى لولادك

• اللي بنوا الاهرامات والسد

• مين اللي عايزك تموتي

• وحاطط ف طريقك سد

• مين اللي عايزك تضيعي

• وبيهرب ف وقت الجد

• املك وحلمك أمانة ولازم

• كل يوم يتمد

• اااااااااااا

• مصر مهما حيجرى فيها

• مصر راح تفضل عفية

• مصر بلد الدين والأزهر

• مصرنا الصابرة التقية

• يخربوها يحرقوها مصر

• راح تفضل قوية

• تعيشي يابلدنا حرة

• تعيشي يابلدي صبية

• تعيشي بالأرض اللي طارحة

• فلاحينك لسة لابسين الطاجية

• ياللي قلبك لسة نابض

• مننا اجمل تحية

• اااااااااااااااا

• جبريل رضوان