الساقية . بقلم المبدع // مصطفى قمر
- الساقيه
- الترس فى الساقيةانكسر
- لما ضاع ضى القمر
- وتوته مايلة عل المدار
- وتور بيلف فى انكسار
- ولا له صوت ولا خوار
- مستنى طالعة النهار
- لاجل يبدل مع الحمار
- وحبتين فجر وطلع
- وتورنا كاتم للوجع
- الميه كانت مرتجع
- تطلع من الساقية وتقع
- الترس اصله اللى انقطع
- عامل خلل فى المجتمع
- والتور يجر بدون نفع
- والتوتة مايلة بالطمع
- دايرة وناقصة للجدع
- الفاهم واللى مقتنع
- عشان يريح كل تور
- والميه تجرى فى كل دور
- تروى الاراضى تحىى بور
- والترس المعيوب يتعمل
- والتوته المايلة تتعدل
- ويحيى للتور الامل
- مصطفى قمر
ليست هناك تعليقات:
إرسال تعليق