دى أحوال الحموات بقول لكل بنت خلى بالك م اللى جى و خدى عبرة م اللى فات و كلامى مش تشجيع ع العنوسة لاء دى حكاية زوجة مفروسة حماتى اه يانا فى الشقة و يانا ماهى قاعدة مانسانا.... و خلاص فضيت لينا و ياريت تقعد ساكتة نشيلها جوة عنينا.... و مالوا ماهو ابنها و بتحبة و بيحبها و مكانها و من حقها.... لكن من يوم ما هلت ما فى إبرة منها جلت و قلبت حياتنا شجار.... و ليلنا بقا نهار و داخلة فى كل حاجة و فى تربية الصغار.... و جو زى يا ناس بسلامته طلع ابن مامتة.... و ان قالى كلمة حلوة حالا تتقلب الدنيا و اوام تعمل عيانة و تصرخ و تقول اه يانا.... و كمان يا وحدانية و محدش سأل عليا و من كتر كلامها انا نفسى بتصعب عليا.... و أفضل طول الليل شغاله ليها مداوية و فى الآخر تقول بلا نايبة.... ربى يا خايبة للغايبة لما ابنك غالى عليكى سبتية لية من ايديكى.... و دلوقتى غايرة علية طيب لية بتجوزية.... انا خدتة غصب عنك كنتى خلية فى حضنك و ذنبى انا اية.... و كرهانى طيب لية و نصيحة منى انا لكل مستعجلة و ع الجواز مقدمة.... فكرى فى المشكلة و بلاش تكونى مع حمى احسن هتشوفى العمى.... و نارها دى مؤلمة ع البر بيكونوا ملاك لكن فى العيشة هلاك.... خليكى فى السليم و اختارى زوج يتيم هتبقى فى المضمون.... و بلاش تفكير مجنون تعيشى معاه فى سلام.... و حب و انسجام و تضحكلك الايام . بقلمى محسن العربى شاعر الإبداع
ليست هناك تعليقات:
إرسال تعليق