واتفرج ياسلام . بقلم المبدع // كاشف عبد الجواد

واتفرج ياسلام . ! كاشف عبدالجواد 
********************************
قرداتي ونصبله 
سيرك
واتحنجلوا الهليبه
كداب وبياع كلام
لا يخشى 
ملام ولا عيبة
يقعد مجعوص 
عالدكة
حواليه كتير 
محاسيب
باصصلنا فالفكة
وعطاياه كتير
بتصيب
ياواد كنت امشي 
على قدك
وسعت ليه خطوتك
اهي بهوقت ياكبير
مين قدك
ياللا ورينا همتك
كرهتنا ف المعايش
ياولدي
م العوزة وعولة الهم
نستحمل ايه ولا ايه
يافقري
طافحينوا ذم وغم
مش مكتوبالنا وياكم 
فرحة
ولا حنشوف معاكم 
خير
ومدام النية مش 
خالصة
يبقا الله يرحمك 
ياضمير
( حسبنا الله ونعم الوكيل )
************************
Kashef. 30 - 10 - 2016.