- اعتزلت الغرام
- إسلام عامر
- اعتزلت الغرام ضحكت ليا الأيام
- ارتاح البال والفكر من عذاب الحب
- والحيرة ومر الخصام
- اعتزلت الغرام
- ارتاح القلب من أوجاع الهجر
- والجرح وآهات الآلام
- اعتزلت الغرام
- مباقتش أسهر طول الليل
- مع النجوم والقمر احكى واشكى
- مبقاش يأثر فيا الماضى والذكرى
- مباقتش افكر غير فى نفسى وبس
- وأملى وحلمى فى بكرة
- اعتزلت الغرام
- ماتت كل أشواقى وحنينى
- من غدر حبايب
- باعونى جرحونى خانونى
- قواهم عليا غدر زمانى
- وظلم سنينى
- اعتزلت الغرام
- ارتاحت ونامت خلاص عينى
- ووعدت قلبى بدموعها تانى
- ماتبكى عليهم
- ولا حتى فى الأحلام
- اعتزلت الغرام
- وخلصت الحكاية
- من غير عتاب ولا لوم
- لحد كدة وكفاية
- وبالمفيد المختصر
- رضيت بالنصيب
- وبحكم القدر
- وبأيدى كتبت
- النهاية
- اعتزلت الغرام
الجمعة، 26 أغسطس 2016
اعتزلت الغرام . بقلم المبدع // إسلام عامر
الاشتراك في:
تعليقات الرسالة (Atom)
ليست هناك تعليقات:
إرسال تعليق