الغلابة . بقلم المبدع // مصطفى قمر

الغلابة

ليه الغلابة صفهم مكسو ر

وسط الديابة اصلهم مبتور

زى السحابة فى يوم الصيف

لو مطرت تنشف فى لمح الطيف

والحالة صعبة وكدهم برغيف

واللقمة حاف من غير لحاف او كيف

والظلم جاف والعدل بقى تخريف

اه يا بلد فيكى السند للديب

اللى بينهش لحمنا فى تعليب

ساكن فى قصر وابن مصر غريب

وعشمى فى ربى والعشم ما يخيب

دعوة مجابة لكل ظلم تصيب

ساعة فرج ع اللى درج فى الغيب

وعدل يملا الناس ربى فرجه قريب

وعشمى مصطفى قمر