سجال ((أم الدنيا ..وأنا منها )) بقلم المبدعين : * Ibrahem Said*...وعلاعمار..

سجال ###

((أم الدنيا ..وأنا منها ))

للشاعر * Ibrahem Said*...وعلاعمار..

إبراهيم سعيد....
########

كل ما آجي أحبها...
ألاقي إيد بتشدني...
بتقولي فوق....
دي غربتناوفرقتنا...
وضيعت بينا الحقوق...
والكل فيها تايه وسط سوق...
فيها الغني عايش سعيد مرتاح...
وفيها الفقير وسط الطابور مزنوق...
ولو معاه حق مليون حق...
حقه يكون مسروق....

علا عمار....
********

يا سيدي أهدي .....
ومتسمعش الكلام...!!

ليه كل حاجة ....
نجيب عليها الملام...
دي أمنا لمانا دايما كلنا...
ومطبطبة علي الصغير والكبير...
إيه ذنبها تكون انت غني...
او إني أكون... أنا الفقير...

إبراهيم سعيد...
######

طب هسألك ...
فين الوشوش الطيبة بتعت زمان؟؟

فين الأمل والوفا...فين الحنان....؟؟
فين الرضا والسماح... فين الأمان....؟؟
بقينا فيها مسجونين ...
والكل سايق في الجنان...

علاعمار....
*******

وازاي نسيت الطيبين ؟
أمشي في شوارعها القديمة..
بين الحواري و الزقاق والسيدة ..
روح الحسين .. !
هتلاقي فيها الأصالة ..
هتدوب حنين ..
بلدنا حلوة بأهلها ....
أهل الكرم والجدعنة ..الشقيانين....
بلاش تجيب العيب عليها ...
وإحنا بطمعنا المعيوبين ...

إبراهيم سعيد....
#######

كلام جميل مقدرش فعلا أنكره ...
والطبع راسخ فى القلوب ...
ولا أى حاجة تغيره..
فينا الكبير بنكبره ونقدره..
والمر فيها لو حاولنا...
هيجى يوم ونسكره...
عارف إن فيها حاجات كتير هتهون...
وبكره أكيد هنغيره....
ساعدينى أقعد فى البلد...
وأداوى ضهرى إللى اتجلد....
ومادومتى فيها بقلب طيب...
عمرى م همشى والغضب... هنفجره...

مع تحياتي لأخي وصديقي الشاعر ((إبراهيم سعيد ))