- {حبيبتي اللي كانت}
- علشانها بنيت انا برج
- وسكنتها العالي
- شبكتها كانت عقد
- من لمعتوا يلالي
- ¤¤¤¤¤¤¤¤¤¤¤¤¤¤
- فستانها كان مرمر
- ابيض قماشوا حرير
- طرحتها كات م الهند
- وكان تاجها كما لأمير
- ¤¤¤¤¤¤¤¤¤¤¤¤¤¤¤
- كات ناقشه علي ايدها
- حنه بلون بني
- النظره من عينها
- كانت بتسحرني
- وبلمسه من ايدها
- كانت تجنني
- ¤¤¤¤¤¤¤¤¤¤¤¤¤¤¤¤
- عامل كما عيل
- وشابط بحضن اموا
- يعلي بصوتوا البكا
- فتشيلوا وتضموا
- ¤¤¤¤¤¤¤¤¤¤¤¤¤¤¤¤
- ياما سهرنا الليل
- بنلف ضواحيها
- حضني علي حضنها
- وأديه ف أديها
- ¤¤¤¤¤¤¤¤¤¤¤¤¤¤¤¤
- يشهد علينا القمر
- نورلنا السكه
- تشهد شوارعنا لما بنمشيها
- ازاي كانت تحلي
- حتي النجوم ف السما
- كات شاهده ع الرحله
- ¤¤¤¤¤¤¤¤¤¤¤¤¤¤¤¤
- كانت لما تضحكلي
- بحس كأني عود أخضر
- ونابت في غياطينها
- تسقيني وترويني
- اوام اكبر
- عشان اقطف عناقيدها
- ¤¤¤¤¤¤¤¤¤¤¤¤¤¤¤¤
- وكيف انساها وعلي توبي
- عبير ريحها
- وصوتها لسه بيدندن
- ف جوه ضلوعي يفرحها
- هبكي كتير علي فراقها
- ونفسي ف يوم اقابلها
- ويحرم عني كل العشق
- من بعد اللي حبيتها0
- ¤¤¤¤¤¤¤¤¤¤¤¤¤¤¤
- دندنه بقلمي
- شعبان ابراهيم
الاثنين، 25 يوليو 2016
{حبيبتي اللي كانت}دندنه بقلم شعبان ابراهيم
الاشتراك في:
تعليقات الرسالة (Atom)
ليست هناك تعليقات:
إرسال تعليق