أهو إحنا نوينا الصيام . بقلم المبدع // صبري عطوة خليل

أهو إحنا نوينا الصيام
وعلى الله يكون مقبول
ياعالم تعود الأيام
وألا الأجل ها يحووووول
ومادام نوينا التمام
صوم الجوارح أصووووول
ماهو صوم عن طعام
ولا هو نوم وخمووووووول
إحيوا لياليه بالقيام
والقرآن نصيبه ينووووول
يمكن يكون الختام
وما عاد بالعمر فصووول
ثلث عمرنا نيام
وثلث شاغل ومشغوووول
الباقي مابين أحلام
وأمل بالدنيا موصوووول
ياما صام قبلنا أقوام
من وقت بعث الرسول
رحلوا ومروا بسلام
ورمضان باقي علطول
كم من عزيز كام
كان زينا بيقوووووول
والله نفس الكلام
كأن الكلام منقوووول
عدى زي الغمام
وأصبح مصيره مجهول
رحل وترك أيتام
وإحنا نقول معقووول !؟
دا لسة صغير ياحرام
وأبوه ماتم الحووووول
كانت صحته تمام
كان بيصول ويجووول
ياسلام ع الدنيا ياسلام
دا العمر صندوق مقفول
بنعيشها زي المنام
وبلحظة الصحوة تزول
الدار الباقية قدام
مهما العمر يطووووول
هايعدي أوام أوام
والقبر محطة وصووول
والله لولا الملام
لأدق للميت طبوووول
مادامت الدنيا حطام
وأوزار بتزيد الحمول
على إيه عاملين زحام
يا أصحاب العقول
على شوية ركام
ما ينظر إليه مهطول
لله يادنيا الدوام
والمنايا شهود عدول
إذكروا الله ياكرام
باسط الأرض سهول
صللوا على خير الأنام
النبي جد البتووول
شفيعنا يوم الزحام
يوم الوقفة تطول
وعلى آل البيت والمقام
سمعوني مين هايقول

صبري عطوة خليل