في زحمة الدنيا . بقلم المبدع // محمود مسعود

في زحمة الدنيا ........
ــــــــــــــــــــــــــــــــــــــــــــ
صداك ياغربة لسه مسمع
تيجي سيرتك عيني تدمع
العمر فيك كتير ضاع
جالنا الهم وحرقة الأوجاع
ناسي وأصحابي وفيك اللي باع
ياغربة حني علينا ارحمينا م الصداع
مش شرط ياغربة السفر
دا كتير في الدنيا شعور الضياع
ضايع عن نفسي بين يومي وأمسي
وبكره مجهول والخبر اللي شاع
مين اللي باع ...؟؟
أحلام بريئة
وناس حقيقة
مش لاقين المتاع
في اللقمة
طب الهدمة
دا احنا بالذمة قلبنا إلتاع
بنحاول نلضم أحلامنا
وسؤالنا دايما في كلامنا
الناس اللي عايشة عايشين إزاي ؟؟
وقلوبهم دي مخلوقة من إيه ؟؟
في الغربة للأسف بتبقي صفيح
وما بتسخن أكيد بتسيح
كل العواطف
بتبقي عواصف
مالهاش تصريح
ياغربة وسنينك
أكيد عرفينك
مابتطبطبيش
غرقنا في بحورك
لو ندري شعورك اللي مافيش
غير القساوة في لقمة العيش
ماطنشيش
بقينا شيش بيش
العمر جري ماندريش
والضحكة متشالة
ليوم العيد
بس الأكيد
ودا مش تحييد
دموعنا محبوسة
وقلوبنا مهوسة
أحلامنا مهروسة
للقا الأحباب
واللي غاب في زحمة الدنيا
ــــــــــــــــــــــــــــــــــــــــــــــــــــــــــ
بقلمي / محمود مسعود ( عامي ) 26/1/2018م